غنّاها أطفال معهد سيّدة لبنان عام 2003
ـ1ـ
طَلّ عِيد الإِسْتِقْلالْ
يا بْلادِي بْهَنِّيكِي
بِالْغُرْبِه نِحْنا أَطْفالْ
عَمْ نِتْغَنَّى فِيكي
ـ2ـ
بِقْلُوبْنا خِبَّيْنا جْبالْ
وْبِعْيُونَّا سْواقِيكي
وِغْزَلْنا مْنِ الْفَرْحَه شَالْ
تا بْعِيدِكْ نِهْدِيكِي
ـ3ـ
مَهْما تِشْتَدّ الأَحْوالْ
وْيِتْغَبَّرْ ماضِيكِي
بِالْحَزِّه نِحْنا أَبْطالْ
بِالدَّم مْنِفْدِيكِي
**
