ألقتها احدى طالباتي عام 1989
ـ1ـ
سَكَّرُوا الأَبْوَابْ
عَتَّمُوا السَّاحَاتْ
هَجَّرُوا الأَحْبَابْ
بِالأَرْبَعْ جِهّاتْ
يَا وَطَن الْمَحَبِّه
رَحْ إِزْرَعَكْ بِـ قَلْبِي
صَلاَ وْغِنِّيَّاتْ
ـ2ـ
نِسْيِتْنِي اللَّيَالِي
عَ بَابَكْ غِنِّيِّه
دَخْلَكْ طِلّ قْبَالِي
مَارِدْ مِنْ خَبْرِيِّه
مِنْ دِنِي مِنْسِيِّه
تَا تِرْجَع الْحُرِّيِّه
وِالسَّهَرْ وِالنَّجْمَاتْ
ـ3ـ
افْتَكْرُوا إِنُّنْ مِحْيُوا
إِسْمَكْ وِالأَمْجَادْ
وِالنَّاسْ اللِّي بِقْيُوا
صَارُوا كْتِير بْعَادْ
نِحْنَا مَهْمَا بْعِدْنَا
حُبَّكْ بِيوَحِّدْنَا
وِبْيِخْلقْ مُعْجِزَاتْ!
**
