آه يا قربانتنا

غنّاها أطفال معهد سيّدة لبنان عام 1989، على لحن "آه يا أم حمادة".

ـ1ـ

آهْ.. يا قُرْبانِتْنا

كِبْرِتْ فِيكِي مْحَبِّتْنا

لْبِسْنالِكْ تَوْب الأَبْيَضْ

وْفِرْحِتْ فِيكِي كْنِيسِتْنا

ـ2ـ

وْراهْباتْنا اللِّي رَبُّونَا

مِنْ دَمْعاتُنْ سِقْيُونَا

وْمِنْ كِتِرْ ما حَبُّونَا

سِهْرُوا عَ مَدْرَسِتْنا

ـ3ـ

حِوَّشْنا باقات الزَّهْرْ

لِلأَهْل الْـ تِعْبُوا بِالْهَجْرْ

غَمْرُونَا عَ صْدُورُن غمْرْ

وْزَرْعُوا الْحُبّ بْعَيْلِتْنا

ـ4ـ

وِبْلادِي.. بْلاد الأَرْزاتْ

هَيْدي الْـ مِنْحِبَّا بِالذَّاتْ

يَا رَبِّي بْيِكْفِي هَزَّاتْ

حِمْلِتْ إِسْمَكْ أَرْزِتْنا

ـ5ـ

أَهْلا وْسَهْلا بْكلّ النَّاسْ

الْـ شِرْبُوا مَعْنا أَطْيَبْ كاسْ

وْشَارَكُونا بِالْقُدَّاسْ

كلّ الشُّكْر بِكِلْمِتْنا

**